Қазақстан Республикасының Мемлекеттік қызмет істері агенттігі аппаратының басшысы болып Имашев Данияр Мұратұлы тағайындалды, - деп хабарлайды Aqshamnews.kz Prokadrykz-ке сілтеме жасап.
Ол С. Сейфуллин атындағы Ақмола аграрлық университетін және Қазақстан Республикасы Президентінің жанындағы Мемлекеттік басқару академиясын тәмамдаған.
Дипломатиялық II сыныпты кеңесші дәрежесіне ие.
2003–2005 жылдары Астана қаласының Мемлекеттік санитариялық-эпидемиологиялық қадағалау департаментінде, Қаржы департаментінде, сондай-ақ Экономика және бюджеттік жоспарлау департаментінде қаржы саласы бойынша бас маман қызметтерін атқарған.
2005–2025 жылдар аралығында Қазақстан Республикасы Сыртқы істер министрлігі жүйесінде еңбек етіп, жетекші маман, бас сарапшы, басқарма басшысы, департамент директорының орынбасары және департамент директоры лауазымдарын атқарған.
Тағайындалғанға дейін Қазақстан Республикасы Сыртқы істер министрлігінің Валюталық-қаржылық департаментінің директоры қызметін атқарды.
