Тағы 9 құрметті атақ қосылады.
Президент мемлекеттік марапаттар қатарына қосылатын құрметті атақтардың біреуін атады, деп хабарлайды aqshamnews.kz
"Мемлекеттік марапаттар жүйесін 9 құрметті атақпен толықтыру жоспарланып отыр. Соның ішінде "Қазақстанның аграрлық саласының еңбек сіңірген қайраткері" атағы бар. Бұл – елімізді өркендетуге өлшеусіз үлес қосқан ауыл шаруашылығы еңбеккерлеріне шынайы құрметтің белгісі. Қазір депутаттар тиісті заңдарға өзгеріс енгізу мәселесін қарастырып жатыр", - деді Тоқаев.
Ал келесі жыл Жұмысшы мамандықтары жылы болады.
"Жыл бойы біз нағыз еңбек адамдарын жоғары деңгейде ұлықтайтын боламыз. Бұл қоғамда еңбекқорлық пен кәсібилік құндылықтарын дәріптеу жылы болмақ", - деп атап көрсетті президент.