Мемлекет басшысы Вице-Президент Ерлан Қаринді қабылдап, оның алдына бірқатар нақты міндет қойды. Президент айқындаған жаңа міндеттер елдегі мемлекеттік басқару жүйесінің тиімділігін арттыруға бағытталған. Бұл өзгерістер Алматы сияқты ірі мегаполистердегі мемлекеттік саясаттың іске асырылуына және алматылықтардың күнделікті өміріне қатысты шешімдердің орталық пен жергілікті деңгейде үйлесімді орындалуына да ықпал етеді, деп хабарлайды aqshamnews.kz тілшісі.
Қасым-Жомарт Тоқаев Вице-Президент лауазымы Қазақстан Республикасының Конституциясымен бекітілгенін және мемлекеттік басқару жүйесінде ерекше мәнге ие екенін атап өтті.
Мемлекет басшысы Вице-Президент Ерлан Қариннің алдына бірқатар нақты міндет қойды.
Атап айтқанда, Вице-Президентке Құрылтаймен, Үкіметпен және басқа да мемлекеттік органдармен өзара іс-қимыл барысында Мемлекет басшысының атынан өкілдік етіп, мемлекеттік саясаттың негізгі мәселелері бойынша ұстанымын жеткізу тапсырылды.