Руслан Жақсылықов Президентке Қорғаныс министрлігінің 2024 жылы атқарған жұмыстары туралы есеп берді, деп хабарлайды aqshamnews.kz.
Мемлекет басшысына әскердің жауынгерлік дайындығы мен жауынгерлерді даярлаудың жаңа тәсілдері жөнінде баяндалды.
Руслан Жақсылықов мемлекеттік қорғаныс тапсырысын орындау, әлеуметтік және идеологиялық жұмыстар жүргізу, сондай-ақ әскери инфрақұрылымды дамыту жайында мәлімет берді.
Жоғарғы Бас қолбасшы Қасым-Жомарт Тоқаев министрге армияның жауынгерлік әлеуетін арттыру, басқару үдерістерін цифрландыруды одан әрі жалғастыру, Арнайы операциялар күштерін дамыту, әлеуметтік-идеологиялық жұмыстарды күшейту бойынша нақты тапсырмалар берді.