Мемлекет басшысы Қасым-Жомарт Тоқаев Орталық сайлау комиссиясының төрағасы Нұрлан Әбдіровті қабылдады, деп хабарлайды Aqshamnews.kz
Кездесу барысында Президентке Бүкіләлемдік сайлау күні аясында елімізде өткізілген іс-шаралар туралы есеп берілді. Сонымен қатар, 2024 жылғы электоралды кампаниялардың қорытындылары, Орталық сайлау комиссиясының қазіргі қызметі мен алдағы жоспарлары таныстырылды.
Нұрлан Әбдіров Мемлекет басшысына сайлау комиссиясының халықаралық ынтымақтастықты кеңейтуге бағытталған бастамалары жөнінде де мәлімет берді. Президент ұсыныстарды тыңдап, ОСК қызметін одан әрі жетілдіру бойынша бірқатар нақты тапсырмалар берді.