Халықаралық балаларды қорғау күніне орай Алматы қаласындағы Достық үйінде мерекелік іс-шара ұйымдастырылды.
Мерекелік жиынға «Аманат» партиясының мүшелері мен түрлі этнос өкілдері қатысып, қоғамдағы татулық, достық және бірлік құндылықтарын насихаттады. Балаларға арналған қызықты ойын-сауық бағдарламалары ұйымдастырылып, аниматорлар көтеріңкі көңіл-күй сыйлады. Сонымен қатар, бүлдіршіндерге ойын-сауық орталықтарына баруға арналған арнайы билеттер тарту етілді.
Балалар – қоғамның ең қымбат байлығы, ел болашағының негізі. Олардың жүзіндегі шат күлкі мен қуанышты көңіл күй – әрбір ересек адамның жауапкершілігі мен қамқорлығының көрінісі. Сондықтан жас ұрпаққа мейірім мен сүйіспеншілік сыйлау, олардың алаңсыз өсіп-жетілуіне жағдай жасау – баршамыздың ортақ парызымыз.
Осындай игі шаралар қоғамдағы өзара сыйластық пен бірлікті нығайтып қана қоймай, балалардың жүрегіне қуаныш ұялатып, өмірге деген сенімін арттырады. Бүлдіршіндердің бақытты балалық шағы мен жарқын болашағы – тәуелсіз еліміздің ең басты құндылықтарының бірі.
Рафик МИРЗОЕВ, «Барбанг» республикалық күрдтер қауымдастығының басқарма төрағасы, Қазақстанның еңбек сіңірген қайраткері, «Құрмет» орденінің иегері