"Марат Оспанов атындағы Батыс Қазақстан медицина университеті" КЕАҚ басқарма төрағасы – ректор Әсет Қалиевті сейсенбі күні облыстық "Антикор" жедел уәкілдері ұстады, деп хабарлайды almaty-akshamy.kz
28 мамырда Қалиевтің үйінде тінту жүргізілген. Біздің деректеріміз бойынша, бұл іс парақорлыққа қатысты. Облыстық Сыбайлас жемқорлыққа қарсы іс-қимыл агенттігі мен прокуратура бұл мәселеге әзірге түсініктеме берген жоқ.
Әсет Қалиев 2014-2020 жылдары Ақтөбе облысы әкімдігінің денсаулық сақтау басқармасының басшысы қызметін атқарды. 2020 жылдың шілде-қыркүйек айларында Жамбыл облысы әкімінің денсаулық сақтау мәселелері жөніндегі кеңесшісі болды. Сол жылдың қыркүйегінен бастап Жамбыл облысының денсаулық сақтау басқармасын басқарды. 2022 жылдың қыркүйегінен бастап Ә.Қалиев М.Оспанов атындағы Батыс Қазақстан медицина университетінің ректоры қызметін атқарып келеді.