Медициналық сақтандыру қорының басшысы Әбілқайыр Сқақов өзінің әлеуметтік желісінде МӘМС-ті алға бастырмай тұрған 4 проблеманы атады, деп хабарлайды Almaty-akshamy.kz
«Біріншісі – медициналық мәселе. Атап айтқанда, оның ТМККК және МӘМС пакеттеріне бөлінуі. Бірінші пакетте қаражаттың жетіспеушілігі ақшаның екінші пакетке көшуіне, бірін-бірі қайталауға, дәрігердің қателік жасауына себеп болатын қиындықтарға әкеп соғуда.
Келесі – қаржы мәселесі. Тек МӘМС емес, жалпы денсаулық сақтау саласында қаржы жеткіліксіз. МӘМС-ке бағытталатын аударымдар барлық проблемаларды шешпейді.
Үшінші проблема – халық МӘМС жүйесіне жеткілікті түрде тартылмай жатыр. Халықты тартумен айналысатын өкілетті орган белгіленбеген.
Төртінші – цифрландыру деңгейі өте төмен. Біз осы сұрақтарды шешудеміз.
Проблемалардың алғашқы үшеуі өзара байланысты және олар заңнамалық өзгертулерді қажет етеді. Шын мәнінде медициналық сақтандыру жүйесі пайдалы әрі қажет», - деді Сқақов.