БҰҰ ЕҚБ мен БҰҰ Әйелдер ұйымының жаңа есебіне сәйкес, өткен жылы 83 000 әйел мен қыз қасақана өлтірілгенін мәлімдеді, деп хабарлайды Аqshamnews.kz тілшісі.
Белгілі болғандай, қылмыстардың 60%-ында немесе 50 000 өлім қыздардың және әйелдердің жақын серіктестері немесе отбасы мүшелері тарапынан болған. Бұл дерек орта есеппен алғанда күніне 137 әйел мен қыздың тұрмыстық зорлық-зомбылықтан қайтыс болатынын білдіреді.
Ал ер адамдардың қазасының тек 11%-ы ғана жақын серіктестері тарапынан болады екен.
БҰҰ ЕҚБ директорының міндетін атқарушы Джон Брандолино көп әйел үшін үй «қауіпті, кейде өлімге әкелетін орын» болып қала беретінін атап өтіп, мемлекеттерді фемицидтердің алдын алу және құрбандарды қорғау шараларын күшейтуге шақырды.
Дүние жүзіндегі барлық дерлік аймақтарда алаңдатарлық статистика сақталып отыр. Мұндай кісі өлтірудің ең жоғары көрсеткіштері Африка елдерінде тіркелген. Одан кейін Америка, Океания, Азия және Еуропа елдері келеді.
