Күннің Жерге қараған бетіндегі дақтар көзге көрінбестей азайды.
Бұл туралы Ресей Ғылым академиясы Қолданбалы астрономия институтының Күн зертханасы мәлімдеді, деп хабарлайды aqshamnews.kz.
Ғалымдардың айтуынша, жағдай Күннің Жерге қарама-қарсы жағында да осындай. Дақтар әлі де бар, бірақ олар соншалықты кішірейіп кеткендіктен, тіпті ғарыштан түсірілген суреттерде де байқалмайды.
«Күн дақтарының көлемі мен саны әдетте жарқылдық белсенділікпен байланысты болғандықтан, қазіргі жағдай алдағы күндерде жарқылдардың болу ықтималдығы төмен екенін көрсетеді», — деп түсіндірді мамандар.
Сонымен бірге, олар дақтардың азаюын метеосезімтал адамдар үшін жақсы жаңалық деп атады. Алайда радиобайланыспен айналысатындар үшін керісінше, жағымсыз жағдай қалыптасуы мүмкін. Дегенмен, метеосезімтал жандарға да бірден жеңіл бола қоймайды, себебі сейсенбі күні Күндегі корональды тесікке байланысты жаңа геомагниттік толқулар күтілуде.
Бұған дейін астрофизиктер Күн бетінде аса ірі дақтар шоғыры пайда болғанын, олардың қуатты жарқылдарға себеп болуы мүмкін екенін хабарлаған еді.