14 наурыз күні сағат 09:00-ден 13:00-ге дейін «Көктөбе» аспалы жолы бойынша жүріп-тұру тегін болады. Бұл шара Көрісу күні мерекесіне арналып ұйымдастырылып отыр, деп хабарлайды aqshamnews.kz
Сонымен қатар, осы күні сағат 11:00-де «Көктөбедегі Амал күні» атты театрландырылған концерт өтеді. Концерт Наурыз айының басталуын белгілеу үшін және Наурызнама мерекесіне орай ұйымдастырылған. Концертте танымал өнер жұлдыздары – Роза Рымбаева, Жанар Айжанова, «Жігіттер» тобы, Айгүл Қосанова және «Алатау» дәстүрлі өнер театрының артистері өз өнерлерін көрсетеді.
Бұл ерекше іс-шара көрермендерге қазақтың ұлттық өнері мен мәдениетінің мән-маңызын насихаттауға бағытталған және Наурыз мерекесінің қарсаңында қала тұрғындары мен қонақтарына ұмытылмас әсер қалдыруды мақсат етеді.