Айсұлу Ерниязова: G-8 студенттік қозғалысының негізін қалаушы
Президенттің бүгінгі Жолдауына байланысты көптеген қоғам өкілдері пікірлерін білдіріп жатыр. G-8 студенттік қозғалысының негізін қалаушы Айсұлу Ерниязова да Жолдаудан алған әсерімен бөлісуде жөн көрген.
«Жолдауда айтылғандарды әлі де қайта-қайта оқып жатырмын. Дегенмен Жолдаудан алған әсеріммен осы постта бөлісейін», - деп жазды ол.
Оның айтуынша, бүгінгі Жолдауда елдің бәрі күткен саяси реформалар айтылды.
«Шартты түрде мемлекет басшысының айтқандарын үш бөлімге бөлуге болады: шешімдер және қаңтар оқиғалараның зардаптарын қалпына келтіру, маңызды саяси өзгерістер, азаматтық қоғамдастықты көбірек тарту. Президенттің бүгінгі сөзінен кейін 30-ға жуық заңнамалық актілерін өзгерістер күтіп тұр» , - деп жазды ол өзінің Instagram парақшасында.
Жолдауда айтылған мәселелерді талқылай отырып, Айсұлу Ерниязова халықты Президенттің басатамалын қолдауға шақырыпты:
«Сонымен, айтылғандардың бәрін қорытып, іске кірісейік. Әрбір адам өзінің осы орнында, қарым-қатынасында, өзінің жұмысында болсын іске көшейік. Президент әрбір жолдауында айтып жүргендей, осы жолы да, әсіресе, шиеленіскен геосаяси жағдайда тағы да бірлікке, ынтымаққа шақырды. Жолдау бәріне ұнады деген ойдамын», - деді ол.
