Қазақстанда коммуналлық қызмет тарифін көтеруге қойылған уақытша шектеу наурыз соңында аяқталады. Алайда жаңа тарифтер маусым айына дейін енгізілмеуі мүмкін, – деп хабарлайды aqshamnews.kz тілшісі.
Қазақстанда коммуналдық тарифтерге енгізілген уақытша мораторий наурыз айының соңында аяқталады. Бірақ тариф өсімі бірден болмайды.
Табиғи монополияларды реттеу комитетінің мәліметінше, алдымен қызмет көрсетуші компаниялардың өтініштері қаралуы керек. Одан кейін қоғамдық тыңдаулар өтеді. Осы рәсімдерге байланысты тарифтер ең ерте дегенде маусым айында өзгеруі мүмкін.
Қазір тарифті көтеру туралы нақты өтініштер түспеген. Алғашқы өтінімдер сәуірде берілуі ықтимал.
Мамандардың айтуынша, елдегі коммуналдық инфрақұрылымның тозу деңгейі 50 пайыздан асқан. Сондықтан бұл салаға инвестиция тарту және тарифтерді кезең-кезеңімен қайта қарау мәселесі өзекті болып отыр.