Қыста әлсіреген иммунитетке қалай көмектесуге болады?
Диетолог, медицина ғылымдарының кандидаты Елена Соломатина қыста әлсіреген иммунитетті қалпына келтіру үшін көктемде қандай өнімдерді тұтыну керегін айтып берді, деп хабарлайды Almaty-akshamy.kz
Көктемгі ас мәзірі дәрумендер, антиоксиданттар мен жасұныққа бай болуы керек екен. Бұл ағзаның қалпына келуіне әсер етеді. Сол себепті диетолог мәзірге көбірек жеміс-жидек пен көкөніс қосуға кеңес берді.
«Көкөніс, жеміс пен жидектерде ағзаға қажет С дәрумені, жасұнық, биофлавоноид, антиоксиданттар бар. Қазір балғын жемістерді табу қиын. Сондықтан мұздатылған өнімдерді де тұтынуға болады», - дейді Елена Соломатина.
Диетологтың сөзінше, С дәрумені ашытылған қырыққабатта өте көп мөлшерде кездеседі екен.