Қазақстанда соңғы аптада пияз, сәбіз, картоптың бағалары айтарлықтай өсті.
Ұлттық статистика басқармасының мәліметінше, 14-24 мамыр аралығында пияздың бағасы 6,1 пайызға қымбаттаған. Апта ішінде пиязбен қатар картоп (3,8 пайызға) пен сәбіздің де (1,4 пайызға) бағасы өсті, деп хабарлайды Almaty-akshamy.kz.
Бірақ ақ қырыққабаттың бағасы 10,4 пайызға төмендеді. Бұл көкөністердің бір келісінің орташа құны келесідей: пияз – 114 теңге, картоп – 160 теңге; сәбіз – 194 теңге; қырыққабат – 138 теңге.
Басқа да әлеуметтік маңызы бар азық-түлік тауарларының арасында күріш (жылына 18,4 пайызға), тұзсыз сары май (11,6 пайызға) және тауық еті (10 пайызға) бағасының өскенін атап өтуге болады.