2025 жылдың басты түсі анықталды.
Pantone халықаралық зерттеу институты жыл түсі ретінде қоңырқай (17-1230 Mocha Mousse) реңкті таңдады, деп хабарлайды aqshamnews.kz
Бұл түс жайлылық пен қарапайым заттан ләззат алуға деген ұмтылысты білдіреді.
"Әсем және қанық, қарапайым және классикалық. Pantone 17-1230 Mocha Mousse қоңыр реңкі адамзаттың таным-түсінігін кеңейтеді", - деді институт директоры Леатрис Эйсман.
2025 жылдың түсін таңдау үшін халықаралық сарапшылар жыл бойы жаңа технологияларды, әлеуметтік құндылықтарды, өнер топтамалары мен саяхаттау бағыттарын және дизайнерлер мен тұтынушылардың көңіл-күйін зерттеген. Соның нәтижесінде қоңырқай реңк жыл түсі ретінде танылған.
2024 жылы сарғыш-қызғылт реңкті "Шабдалы түсті үлпе" жыл түсі деп танылған еді.