Бұл Қаржы министрі Ерұлан Жамаубаевтың сөзі.
Министрдің айтуынша, жыл басынан бері кеденде тауарларға төленетін баж салығы есебінен 175 млрд теңгеден астам қаражат түскен, деп хабарлайды Almaty-akshamy.kz
«Қазір кеденнен түсетін салық динамикасы жақсы, артып келе жатыр. Жыл басынан бері кеденде тауарларға төленетін баж салығы есебінен 175 млрд теңгеден астам қаражат түсті. Былтырғы ұқсас кезеңнен 25 пайыз артық. Былтыр негізгі себеп пандемия болып, табыс кеміген. Одан кейін тауарды әкелгенде баж салығын толық төлемеу фактілері болды. Онымен құқықтық органдар шұғылданып жатыр. Бұған дейін айтқанымдай, мемлекетке келген 165 млрд теңге шығынды биыл толтыруға барынша күш саламыз», - деді министр.
Бұған дейін кедендегі заңсыздықтардан мемлекетке 165 млрд теңге шығын келгені айтылған еді.