Өнер иесі азаматтардың ел дамуының алдағы бағытын айқындауға қатысуының маңыздылығын атап өтті, – деп хабарлайды aqshamnews.kz тілшісі.
Қазақстанның танымал әншісі, композиторы және пианисті, Қазақстанның еңбек сіңірген қайраткері Карина Абдуллина азаматтарды Қазақстан Республикасы Құрылтайы депутаттарының алдағы сайлауына қатысуға шақырды.
Өнер иесі тиісті үндеуін Instagram парақшасында жариялады.
Өз жазбасында Карина Абдуллина азаматтардың ел дамуының алдағы бағытын айқындауға қатысуының маңыздылығына тоқталды.
Оның пікірінше, 23 тамызда өтетін сайлау маңызды кезең болып табылады. Себебі қабылданатын шешімдер Қазақстан экономикасының, инфрақұрылымының және инвестициялық саясатының дамуына ықпал етуі мүмкін.
Өнер иесі әр азамат сайлауда кімді қолдайтынын өзі шешетінін атап өтті. Сонымен қатар сайлау үдерісінен шет қалмаудың маңыздылығына назар аударды.
«Маған бәрібір» деу — өз таңдауынан бас тарту ғана емес, сонымен қатар өз шешіміңді басқа біреудің қабылдауына мүмкіндік беру деген сөз», — делінген оның үндеуінде.
Карина Абдуллина қазақстандықтарды азаматтық ұстаным танытып, 23 тамызда сайлау учаскелеріне келіп, өздерінің конституциялық құқықтарын пайдалануға шақырды.