АҚШ президенттігіне үміткерлер сайлауға бір апта қалғанда маңызды мәлімдемелер жасады, деп хабарлайды aqshamnews.kz
«Бір аптадан кейін сізде өз өміріңізге, отбасыңыздың өміріне және біз сүйетін елдің болашағына тікелей әсер ететін шешім қабылдау мүмкіндігі болады», — деді АҚШ вице-президенті және президенттікке үміткер Камала Харрис.
Харристің айтуынша, алдағы сайлау «екі партия мен екі үміткер арасындағы таңдау ғана емес».
«Бұл сайлау біздің еліміздің әрбір азаматы үшін еркіндікке негізделген ел бола ма, әлде хаос пен алауыздық билік ете ме деген шешім. Уақыт жаңа буын американдық көшбасшылардың келуін талап етеді», — деп қосты Харрис.
Харристің штабының бағалауы бойынша, митингіге 75 мыңнан астам адам жиналды.
Ал Дональд Трамп өткен жексенбіде ауқымды митинг өткізді, ол Манхэттеннің жүрегіндегі әйгілі Мэдисон-сквер-гарден аренасында сөйледі. Оны қолдауға миллиардер Илон Маск және басқа танымал тұлғалар келді.
«Егер мен сайлауда жеңіске жетсем, біз әлем тарихындағы ең қуатты экономиканы тез арада құрамыз. Менің өткен мерзімімде дәл осындай экономика болды. Біз инфляцияны жылдам жеңіп, Американы ең қуатты елге айналдырамыз», — деді Трамп Мэдисон-сквер-гардендегі сөзінде.
Айта кетейік, Филадельфия Илон Маскке қарсы сотқа шағым түсірді. Республикалық партия күн сайын миллион доллардан таратқан штаттардағы бұл әрекеттер прокуратура тарапынан «заңсыз лотереялық схема» деп аталды. Филадельфия прокуроры бұл істі штаттың заңнамасына сәйкес қозғады.