Ұлттық спорт қауымдастығы журналистер арасында байқау жариялады.
Журналистер арасында «Alaman» медиа байқауы өтеді. Байқауда 7 номинация бойынша жеңімпаздар анықталады, деп хабарлайды Almaty-akshamy.kz Elorda.info-ға сілтеме жасап.
Бұл туралы ҚР Ұлттық спорт қауымдастығының президенті Исламбек Салжанов журналистермен өткізген кездесу кезінде айтты.
Ұлттық спортты кеңінен насихаттау мақсатында өтетін шарада 7 номинация бойынша жеңімпаздар анықталады.
1. Үздік бағдарлама (телевизия, радио)
2. Үздік аналитикалық материал (дәстүрлі баспасөз: газет, журнал)
3. Үздік танымдық материал (интернет, БАҚ)
4. Үздік сұхбат (YouTube арна)
5. Үздік фотосурет (БАҚ, әлеуметтік желі)
6. Шетелдік БАҚ-та жарияланған үздік материал (қазақтың ұлттық спорты туралы)
7. Әлеуметтік желідегі үздік материал (блогинг, мобилография)
Әр номинация бойынша үш үздік авторға ақшалай сыйлық беріледі:
1-орынға – 1 000 000 теңге;
2-орынға – 700 000 теңге;
3-орынға – 500 000 теңге.
Байқау жеңімпаздары 2024 жылдың наурыз айында марапатталады.
Басқа да ақпараттарды ұйымдастыру комитеті немесе көрсетілген сайт арқылы білуге болады.
Айта кетейік, конкурсқа осы жылдың 1 қыркүйегі мен 2024 жылдың 1 наурыз аралығында жарияланған материалдар қатыса алады.
