Әлеуметтік желілер мен мессенджерлерде алдағы төрт жыл ішінде жарамдылық мерзімі аяқталатын жүргізуші куәліктерін міндетті түрде ауыстыру қажет деген ақпарат тарап жатыр.
Алайда бұл мәлімет шындыққа жанаспайды, - деп хабарлайды Aqshamnews.kz 24.kz-ке сілтеме жасап.
Қазіргі таңда жүргізуші куәліктерін беру және оларды ауыстыру тәртібіне қатысты ешқандай өзгеріс енгізілген жоқ. Қолданыстағы заңнамаға сәйкес, жүргізуші куәлігі тек оның жарамдылық мерзімі аяқталған жағдайда немесе заңда көрсетілген өзге негіздер бойынша ғана ауыстырылады.
Осыған байланысты азаматтарды тек ресми дереккөздерге сүйенуге және әлеуметтік желілерде тараған тексерілмеген ақпаратқа сенбеуге шақырамыз.