Әр жүргізуші жүргізуші куәлігінің жоғалуына, қолданылу мерзімінің аяқталуы немесе тегінің ауысу себебі бойынша қалпына келтіру қажеттілігіне тап болуы мүмкін. Мұны қалай жасауға болатыны жайында аlmaty-akshamy.kz сайтының тілшісі "Азаматтарға арналған үкімет "МК" КЕАҚ Алматы облысы бойынша филиалынан сұрап көрді.
Жүргізу құқығын қалпына келтіру үшін қызметалушы мамандырылған халыққа қызмет көрсету орталығына жүгіну қажет. Өзіңізбен бірге жеке басын куәландыратын құжат және мемлекеттік баждың төленгені туралы чек болуы қажет. Егер жүргізуші куәлігінің мерзімі өтіп кетсе, медициналық анықтама қажет болады, - дейді филиалдың өкілі.
Сондай-ақ, жүргізуші куәлігін қайта шығару кезінде теориялық және практикалық емтихандарды қайта тапсыру талап етілмейді.
Айта кетейік, мемлекеттік қызмет көрсету мерзімі құжаттарды тапсырған сәттен бастап 2 сағаттан аспайды.
Айта кету керек, биылғы жылдың алғашқы бес айында Алматы облысында 10.746 жүргізуші куәлігі берілген.