Еңбек ресурстарын басқарудың тиімділігін арттыруға көмектесетін "Адам ресурстарын басқару" цифрлық платформасын құру жоспарлануда
2025 жылы әлеуметтік-еңбек саласында жасанды интеллектті пайдалану кеңейтілетін болады, деп хабарлайды aqshamnews.kz
Себебі, еңбек министрлігі әлеуметтік-еңбек саласын цифрландыру бойынша белсенді жұмыс жүргізуде.
Бүгінгі таңда 50-ге жуық мемлекеттік қызметтің 45-і электрондық форматта көрсетіледі, оның ішінде олардың 28-і проактивті. Заманауи цифрлық құралдар, соның ішінде ЖИ қызметтердің тиімділігі мен жекелендірілуін арттырады.
Осылайша, "Enbek" цифрлық экожүйесі қазақстандықтарға жұмыспен қамту саласында кәсіптік бағдарлаудан бастап жұмысқа орналасуға дейінгі қызметтердің кең көлемін ұсынады.
"Электрондық еңбек биржасының порталында күтілетін жалақы, тұрғылықты аймақ және кәсіби дағдылар сияқты параметрлерді ескеріп, бар ұсыныстарды таңдай отырып, түйіндемелер мен бос жұмыс орындарын талдайтын жасанды интеллект моделі қолданылады. Биыл бос жұмыс орындарын автоматты түрде іріктеу бойынша мүмкіндіктер кеңейтілетін болады, бұл жұмыс іздеуді 90% - ға жеделдетуге мүмкіндік береді", - деп жазылған хабарламада.
Бұдан басқа биыл кадрларға қажеттілікті болжауға, оқыту бағдарламаларын еңбек нарығының нақты сұраныстарына бейімдеуге және еңбек ресурстарын басқарудың тиімділігін арттыруға көмектесетін "Адам ресурстарын басқару" цифрлық платформасын құру жоспарлануда.