Жетісу облысында алаяқ біреулердің атынан 40 млн теңгеге несиелер алған, - деп хабарлайды aqshamnews.kz тілшісі.
Жетісу облысында азаматтардың сеніміне кіріп, олардың атына несиелер мен микронесиелер рәсімдеп, жеке пайдасына жаратқан ер адамға қатысты қылмыстық іс бойынша сот талқылауы аяқталды.
Сотталған адам жәбірленушілердің жеке деректерін және электрон цифрлық қолтаңбасын алып, оларды заңсыз несие рәсімдеуге және ақшалай қаражатты иемденуге пайдаланған.
Қылмыстық әрекеттердің салдарынан 14 азамат зардап шегіп, келтірілген материалдық шығынның жалпы сомасы 40 млн теңгеден асты.
Сот үкімімен ол кінәлі деп танылып, 4 жыл 6 ай мерзімге бас бостандығынан айырылды.
Сот үкімі заңды күшіне енді.
