Аудандағы жол инфрақұрылымының сапасын жақсарту мақсатында ұзындығы 15,3 км болатын 13 көшеге орташа жөндеу жұмыстары жүргізілді.
Жетісу ауданында өткен алғашқы кездесуімде "Көкжиек" шағынауданының тұрғындары кварталаралық көшелерге жөндеу жүргізу туралы өтініш білдірді. Алматы қаласының әкімдігі бұл жұмыстарды аяқтады, 5,3 км жолға асфальт төселді, деп хабарлайды Almaty-akshamy.kz.
Бұл туралы Алматы қаласының әкімі Ерболат Досаевтың Жетісу ауданы тұрғындарымен өткен кездесуде айтылды.
Осы жылдың қараша айына дейін ұзындығы 11,9 км болатын тағы 9 көше жөндеуден өтеді.
Тұрғындардың жайлы және ыңғайлы жүріп-тұруы үшін Қазыбаев, Февральская, Ратушный, Еламан, Жарсуат, Қоянды көшелерінде 6 мекенжайға 3 км жаңа тротуарлар салынды.