Жеңіс күніне 10 күн қалды.
Осы орайда Мәдениет және ақпарат министрлігі Ұлы Отан соғысында қазақстандықтардың жеңіске қосқан үлесі туралы жазбалар циклын бастады, деп хабарлайды aqshamnews.kz.
• 22 маусым 1941 жыл — Германия КСРО-ға шабуыл жасады. Сол сәттен бастап Қазақстандағы әскери комиссариаттар тәулік бойы жұмыс істей бастады.
• 1939–1941 жж. маусым аралығы — Қазақстаннан Қызыл Армия қатарына 187 000 адам шақырылды. Оның ішінде 40 600-і қазақтар.
• Соғыстың алғашқы сағаттарынан бастап көптеген қазақстандық майдан шебінде болды. Олардың көпшілігі алғашқы күннің кешіне қарай қаза тапты немесе із-түзсіз жоғалды.
• 1941–1945 жылдары Қазақстаннан 1 200 000 адам майданға аттанды. Бұған дейінгі шақырылғандарды қосқанда, жалпы саны 1 366 000.
• Соғыста 600 000-нан астам қазақстандық қаза тауып, есімдері Естелік кітабына енгізілді.
• 270 000-нан астам адамның тағдыры белгісіз күйде қалып отыр.