Алматыда 1986 жылғы Желтоқсан оқиғасына арналған ғылыми конференция өтті.
Алматыда «Желтоқсан-86: тарихи тағылым және жоғары саяси жауапкершілік мәдениетін қалыптастыру мәселелері» тақырыбында ғылыми конференция өтті,деп хабарлайды Almaty-akshamy.kz.
Конференцияға белгілі қазақстандық ғалымдар мен сарапшылар, мемлекет және қоғам қайраткерлері қатысты.
Философия, саясаттану және дінтану институтының бас директоры Серік Сейдуманов, философия ғылымдарының кандидаты Айдар Әмребаев, ғалым Рүстем Қазақбаев, т.б. зиялылар ойларын ортаға салды.
Ұйымдастырушылар шараның мақсаты Желтоқсан оқиғасына қатысушыларға лайықты құрмет көрсету екенін атап өтті.
– Тарих бізге – отандық сарапшылар мен ғалымдарға қоғамды түрлендіру және Қазақстанды шын мәнінде демократиялық институттары бар дамыған елге айналдыру бойынша жауапты жұмысты бастау үшін күш-жігерімізді біріктіруге өте нәзік мүмкіндік береді, – деді Серік Тұрарұлы.
Конференцияға қатысушылар демократиялық әділетті мемлекет құру үдерістерін теориялық тұрғыдан түсінудің өзекті мәселелерін талқылады және тәуелді күту мен құқықтық нигилизм тенденцияларын алмастыру үшін қоғамдық санада жасампаздық тенденциялар идеалдарын тудырды.
– 1986 жылы жасым 27-ге таяп қалды. Менің ұлым үш жаста. 16-сы күндізгі сағат екілер шамасында радио арқылы хабар берілді. Осы кезеңде мен түсірілім алаңында болдым. Кенет түнде түсірілім тобы Алматыға кетіп бара жатырмыз деді. Ал біз келесі күні келдік. Қонаевтың орнынан алынғанына бүкіл халық қатты толқыды», - деп, актриса әрі «Желтоқсан-86-Тәуелсіздік қырандары» қозғалысының төрағасы Гүлбаһрам Жүніс сол күндердің оқиғаларын еске алды.
