Қазақстан Орталық Азияда интернет жылдамдығы бойынша көш бастады.
Ookla (Speedtest Intelligence) жүргізген зерттеуге сәйкес, Қазақстанда интернет жылдамдығы 2024 жылдың үшінші тоқсанында 53,26 Мбит/с болған, деп хабарлайды aqshamnews.kz
Бұл басқа елдермен салыстырғанда айтарлықтай жоғары. Елімізден кейін үшінші тоқсанда интернетінің орташа жылдамдығы 41,36 Мбит/с болған Қырғызстан тұр. Өзбекстанда бұл көрсеткіш небәрі 38,96 Мбит/с жетті.
Сарапшылардың мәліметінше, Қазақстандағы ұялы байланыс нарығы жоғары бәсекеге қабілетті. Нарықта Tele2, Kcell және Beeline сынды үш оператор бар. Олардың арасында Tele2 ең жылдам ұялы байланыс провайдері атанды.
Speedtest Intelligence дерегіне сүйенсек, бұл оператордың орташа жылдамдығы 2024 жылдың бірінші жартысында 55,12 Мбит/с болды. Екінші орында Kcell 48,70 Мбит/с. Beeline 27,94 Мбит/с жылдамдықпен үшінші орында.
Сондай-ақ Tele2 елдегі әрі Орталық Азиядағы ең жылдам ұялы байланыс операторына айналды.