"Қазгидромет" 2024 жылғы 23 қыркүйек, дүйсенбіге Қазақстан аумағындағы синоптикалық жағдай мен қауіпті ауа райы құбылыстары туралы болжам ұсынды, деп хабарлайды aqshamnews.kz
Синоптиктердің мәліметінше, атмосфералық фронттардың әсерінен еліміздің басым бөлігінде тұрақсыз ауа райы сақталады – жаңбыр жауады, оңтүстік-батыс пен оңтүстік-шығыста найзағай ойнайды.
"Республика батысы мен оңтүстігінде антициклонның ықпалымен жауын-шашынсыз ауа райы күтіледі. Жалпы, Қазақстанда желдің күшеюі болжануда, батыс, шығыс және оңтүстік-шығыс таулы аймақтарында түнде және таңертең тұман түседі", – деп хабарлады "Қазгидромет" өкілдері.
Ақтөбе, Қарағанды, Ұлытау облыстарында және Жетісу облысының батысында, сонымен қатар Батыс Қазақстанның солтүстігі мен солтүстік-шығысында, Қызылорда облысының солтүстік-батысында, Жамбыл облысының оңтүстік-батысы мен оңтүстік-шығысында, Шығыс Қазақстанның батысы, орталығы мен оңтүстігінде, Қостанай облысының оңтүстігінде, Алматы облысының батысы мен орталығында, Абай облысының шығысында жоғары өрт қаупі сақталады.
Маңғыстау, Атырау, Түркістан, Қызылорда, Жамбыл, Батыс Қазақстан облыстарында, сондай-ақ Ұлытау облысының солтүстігі мен оңтүстігінде, Абай облысының оңтүстігінде, Жетісу облысының солтүстігі мен орталығында, Қарағанды облысының батысы мен шығысында, Ақтөбе облысының батысы, оңтүстігі мен орталығында және Алматы облысының солтүстігінде өте жоғары өрт қаупі сақталады.