Қазақстанның халық жазушысы, атақты қаламгер Мұхтар Мағауиннің дүниеден өткеніне байланысты жаназа және жерлеу рәсімі АҚШ-тың Вашингтон маңында өтеді, деп хабарлайды aqshamnews.kz.
Қазақ әдебиетінің алыбы, ұлттың ұлы тұлғасы, көптеген маңызды шығармалардың авторы, Мұхтар Мағауиннің өмірі мен шығармашылығы елімізге ғана емес, бүкіл түркі әлеміне үлкен ықпал етті. Оның әдеби мұрасы әлі де көптеген ұрпақтың рухани азығы бола бермек.
Жаназа 11 қаңтар күні, сенбі күні өтеді. Түріктің Diyanet Center of America мешітінде сағат 10:00-де басталады (мекен-жайы: 9610 Good Luck Rd, Lanham, MD 20706). Бұл шараға Мұхтар Мағауиннің жақындары мен достары, әдебиет сүйер қауым, сондай-ақ, оның шығармашылығын бағалаған барлық азаматтар қатыса алады.
Жерлеу рәсімі сағат 11:00-де Parklawn Memorial зиратында өтеді (мекен-жайы: 12800 Veirs Mill Rd, Rockville, MD 20853).
Жаназа мен жерлеу рәсімінен кейін қонақасы сағат 13:00-де Diyanet Center of America мешітінде беріліп, қазақ әдебиетінің көрнекті өкілін еске алу шарасы өтеді.
Мұхтар Мағауиннің шығармалары қазақ әдебиетінде ерекше орын алады. Ол қазақ әдебиетінің тарихы мен мәдениетін әлемге танытуда үлкен еңбек сіңірді. Қаламгердің барлық шығармалары әдебиет сүйер қауым үшін үлкен құндылық болып қала береді.
Мұхтар Мағауиннің қазасы әдебиет пен мәдениет үшін орны толмас ауыр қаза болды. Оның шығармашылығы мен өмірі бүгінгі және болашақ ұрпақ үшін үлкен мұра болып қалатыны сөзсіз. Қаламгердің туындылары мен рухани мұрасы мәңгілік сақталатын болады.