Google компаниясы теңіз биологтарымен және Georgia Tech университетінің зерттеушілерімен бірлесіп, дельфиндермен байланысуға арналған тілдік жасанды интеллект моделін әзірлеп жатыр, деп хабарлайды aqshamnews.kz
DolphinGemma деп аталатын бұл модель Атлант мұхиты дельфиндерінің дауыс сигналдары жазылған ірі көлемдегі аудиодеректер базасы негізінде оқытылған. Жүйе дельфиндердің дыбыстарын танып, жіктеп, мән-мағынасына қарай талдай алады. Осылайша, адамдар мен теңіз сүтқоректілері арасындағы өзара түсіністік көпірі пайда болмақ.
Негізгі жаңалықтар:
-
DolphinGemma моделі дельфиндердің дауысын талдау арқылы олардың не айтқысы келетінін анықтайды;
-
Жоба аясында арнайы «дельфин сөздігі» де жарық көреді;
-
Модельді жаз айларында ресми түрде іске қосу жоспарланып отыр.
Ғылыми маңызы:
Бұл бастама дельфиндердің әлеуметтік мінез-құлқын, қарым-қатынас механизмін зерттеуге және олардың ортасын жақсы түсінуге мүмкіндік береді. Сонымен қатар, болашақта өзге де жануар түрлерімен байланыс орнатудың негізі қалануы мүмкін.
Кішкене ой салып кетсек...
- Ел дельфинмен тілдесіп жатыр,
- Ал біз әлі диктофондағы жазбаны қолмен теріп отырмыз...