«Жас сарбаз» әскери-патриоттық клубтары жылдың басты сайысына дайындалуда

«Жас сарбаз» әскери-патриоттық клубтары жылдың басты сайысына дайындалуда Сурет: Министрлік

Әскери-далалық тактикалық ойындар


Өңірлерде «Айбын» халықаралық әскери-патриоттық жастар жиынына қатысу үшін іріктеу турлары өтіп жатыр, деп хабарлайды Almaty-akshamy.kz.


 Жасөспірімдер мен оқушылар 17-23 маусым аралығында Қарағанды облысының «Спасск» оқу-жаттығу орталығында жыл сайын өтетін әскери-патриоттық жиында өз клубтарының намысын қорғау үшін сыналады.


Әскери-спорттық және әскери-қолданбалы спорт түрлерінің жарыстарына дене шынықтыру жаттығулары, әскерилендірілген эстафета, АК-74-ті толық емес бөлшектеу және құрастыру, пневматикалық мылтықтан ату, газтұмылдырық пен жалпы әскери қорғаныс жиынтығын кию нормативтерін орындау кіреді.


Жиын барысында «Айбын дарыны» зияткерлік және «Күшіміз бірлікте» әскери-далалық тактикалық ойындары, сондай-ақ «Айбын жұлдызы» шығармашылық және «Smart Sarbaz – 2023» өнертапқыштар байқаулары өтпек.


Қазіргі кезде жиынға жиырма өңірден келген әскери-патриоттық клубтар, оның ішінде армия генералы Сағадат Нұрмағамбетов атындағы ҚР Қорғаныс министрлігі әскери колледжінің, Шымкент пен Қарағандыдан келген «Жас ұлан» республикалық мектептерінің, Семей мен Павлодардан келген облыстық әскери мектеп-интернаттардың, Қарулы Күштердің, басқа әскерлер мен әскери құралымдардың әскери бөлімдері мен мекемелері жанынан құрылған әскери-патриоттық клубтардың тәрбиеленушілері қатысуға дайындық жүргізіп жатыр. Әзірбайжан мен Өзбекстан командалары да қатысады деп күтілуде.


«Айбын» жастар жиыны Қазақстан әскерінің имиджін арттыруға, әскери-қолданбалы және техникалық спорт түрлерін танымал етуге, әскери қызмет өткеру кезінде қажетті дағдыларды қазірден қалыптастыруға ықпал етеді.

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

15:30

15:16

15:05

14:52

14:36

14:25

14:14

14:13

14:02

13:37

13:13

13:10

13:08

13:03

13:01

12:55

12:54

12:39

12:30

12:22

12:18

12:14

11:52

11:49

11:18