Байқау 29 мамыр мен 4 маусым аралығында өтеді
«Жас қанат» республикалық музыкалық байқауы келесі жылы 29 мамыр мен 4 маусым аралығында өтеді, деп хабарлайды Almaty-akshamy.kz «Азия дауысы» халықаралық фестивалін ұйымдастыру комитетінің баспасөз қызметіне сілтеме жасап.
«Азия дауысы» ӘФ қоғамдық қорының құрылтайшысы және президенті Ирина Ковыряко брифингте 16 мен 27 жас аралығындағы дарынды қазақстандықтардың қатысуға өтініш бере алатынын айтты.
«Жас қанат» конкурсын өткізу мерзімі бекітілді: ол 29 мамыр мен 4 маусым аралығында өтеді. Сондай-ақ «Жас қанат. Балалар» жеңімпаздары «Азия дауысы» халықаралық байқауына автоматты түрде қатысатын болады. Биыл «Жас қанат» бағдарлама аясында қатысушылар оркестр мен live-band сүйемелдеуімен, харизмасымен көрермендерді баурап өнер көрсеткенімен ерекшеленетін болады. Өтінімдерді қабылдауды 2023 жылдың 15 ақпанына дейін ұзарттық. Шақыру елдің барлық аймақтарына жіберілді және 40-тан астам өтінім жиналды»,- дейді ол.
Сонымен қатар Ирина Ковыряко пандемияға дейінгі соңғы байқау 2019 жылы өткенін және 2020 жылы Мұрат Ерғалиев пен Александр Пономарев өтінімдердің бір бөлігін қабылдап үлгергенін атап өтті.
«Сондықтан бұрын жиналған жұмыстар қайта қарастырылатын болады. Сондай – ақ дәстүрлі номинациялардан басқа, биыл Мұрат Ерғалиев пен Александр Пономарев атындағы арнайы Гран-при болады. Жеңімпаз «Азия дауысына» қатысады», - дейді спикер.
2023 жылы «Жас қанат» байқауына 32 жыл толады. Бұл Қазақстанда ұлттық-музыкалық жоба. Аталған байқау 100-ден астам елімізге, сонымен қатар шетелде сүйікті және танмал орындаушыларды танытты.
Қазақтың ең танымал әншілердің көбісі «Жас қанат» байқауына қатысқан және вокалдық, сахналық мектепті бітірген. Лауреаттар мен дипломанттар: Медеу Арынбаев, Нұрлан Абдуллин, Ерлан Көкеев, «Уркер» тобы, Мадина Сәдуақасова, Жанар Дұғалова, Маржан Арапбаева, Димаш Құдайберген және тағы басқалары.