Экономист Жақсыбек Күлекеев елімізді жаңа бағытқа жетелейтін экономикалық модельдің қажеттігін айтты. Оның пікірінше, бұл модель ең алдымен халықтың әл-ауқатын жақсартуға бағытталуы тиіс.
"Ауыл шаруашылығы, туризм, баламалы энергетика – жаңа экономикалық модельдің басым бағыттары болуы керек. Сонымен қатар, тоғыз жолдың торабында тұрған Қазақстан логистикалық мүмкіндіктерін тиімді пайдаланып, халықтың әлеуетін арттыра алады," – деді ол.
Жақсыбек Күлекеев мемлекеттің экономикаға араласуын азайту қажеттігін атап өтіп, жаңа экономикалық саясаттың басты мақсаты нарықтық тетіктерді күшейтіп, экономиканы әртараптандыру болуы керектігін жеткізді.