Әсіресе әйелдер ауырып тұрса да, жұмыстан қалмайды.
«Қанша қазақстандық ауырып тұрса да жұмыс істейді?» деген hh.kz сайтындағы сауалнамаға 1380 адам қатысқан, деп хабарлайды Almaty-akshamy.kz
Оның 67 пайызы – әйел, 45 пайызы – ер адам.
2023 жылы қазақстандықтардың жартысынан көбі (56%) денсаулық жағдайына қарамастан жұмысын жалғастырған. Әсіресе әйелдер ауырып тұрса да, уақытын жұмыста өткізген.
Сауалнама нәтижесі бойынша денсаулығына қарамастан кеңсеге барып жұмыс істеген қызметкерлер:
Сату менеджерлері - 71%;
Әкімшілік қызметкерлері (байланыс орталығының қызметкерлері, әкімшілер және т.б.) - 61%;
Маркетологтар - 45%.
Респонденттердің басым бөлігі (76%) қалыпқа келу үшін қосымша демалыс күндерін қажет етеді. Олардың 43 пайызы екі-үш күн жеткілікті деп есептесе, 23 пайызы үш-бес күн, ал 15 пайызы бір апта демалғысы келетінін айтқан.
Бұдан Қазақстандағы жұмысшылардың физикалық жағдайы ғана емес, эмоционалдық күйінің еңбек өнімділігіне әсер ететінін аңғару қиын емес.