ҚР қаржы вице-министрі Ержан Біржановтың айтуынша, ведомство сенім мен ашықтық қағидатына басымдық беріп, жоспарлы тексерулерден бас тартады.
Осы жылы 1200-ден астам жоспарлы тексерулер жүргізілуі тиіс, деп хабарлайды аlmaty-akshamy.kz.
"Келесі жылдан бастап жаңа Салық кодексін енгізе отырып, бізде жоспарлы тексерулер жойылады. Тексерулер, төлем жасамау қаупі бар ерекше жағдайларда ғана жүргізіледі", - деді спикер.
Жалпы тексеру жүргізу салық төлеушінің кабинеті арқылы цифрлық форматқа ауыстырылады.
"Салық төлеуші Мемлекеттік кірістер органдарымен тексеруге нұсқамалар берілген кезде бір рет кездесуі мүмкін. Барлық басқа рәсімдер: құжаттарды, талаптар, түсініктемелер ұсыну - бәрі онлайн-форматқа ауыстырылады", - деді спикер.