Ауданның әлеуметтік инфрақұрылымын дамыту мәселелері әкімдіктің тұрақты бақылауында.
Оқушы орындарының тапшылығын азайту үшін ауданда мектептерге қосымша ғимараттар салу және жөндеу бойынша жоспарлы жұмыс жүргізілуде. Мәселен, өткен жылы 2 мектептің (№34 және 144 гимназиялар) 850 орындық 2 қосымша ғимараты пайдалануға беріліп, Қабанбай батыр көшесінде 850 орындық жеке мектеп (Прометеус) ашылды,-деп хабарлайды Аlmaty-akshamy.kz.
«Жайлы мектеп» жобасы аясында биыл Райымбек даңғылы мен Әуезов көшесі қиылысындағы учаскеде 1,5 мың орындық жаңа мектептің құрылысын бастап, 2024 жылы пайдалануға беруді жоспарлап отырмыз. Сондай-ақ ауданның екі мектебіне әрқайсысы 300 орындық қосымша құрылыстар салу жобалары әзірленуде. Шілде айында № 15 гимназияны сейсмикалық күшейтіп, күрделі жөндеу аяқталады және тамыз айына дейін № 136 мектеп-гимназияны күрделі жөндеу, сейсмикалық күшейтуге жобалау-сметалық құжаттама әзірленеді, - дейді Алматы қаласының әкімі Ерболат Досаев.
Мектепке дейінгі білім беру саласында өткен жылы 290 орындық 5 жеке меншік балабақша ашылып, №7 балабақшаны сейсмикалық күшейту аяқталған. Мәуленов көшесі, 57 мекенжайдағы қайтарылған бұрынғы балабақша ғимаратын күрделі жөндеуден өткізіліп, сейсмикалық күшейтуге арналған жобалау-сметалық құжаттама мамыр айында сараптамадан шығады,
2023 жылдың күзінде құрылыс-монтаждау жұмыстары аяқталмақ.