Дамыған әлеуметтік инфрақұрылыммен қамтамасыз ету қалалық және аудандық әкімдіктердің жұмысындағы басым бағыт болып табылады.
Қала әкімінің Әуезов ауданы тұрғындарымен кездесуінде ауданда жаңа мектептердің бой көтеретіні белгілі болды, деп хабарлайды Аlmaty-akshamy.kz.
№122 мектеп пен «Білім инновация лицейін» сейсмикалық күшейте отырып, күрделі жөндеу аяқталды. Жаңа оқу жылы басталғанға дейін №127 және 141 мектептерде осындай жұмыстарды аяқтауды жоспарлаудамыз. Алматы қаласының әкімдігі мен құрылыс компаниялары арасындағы меморандумның аясында осы жылдың қазан айында бұрынғы «Белкамит» зауытының аумағына 900 орындық мектеп салып бастауды жоспарлап отырмыз, - деді қала әкімі.