Пара алу кезінде ұсталған.
Жамбыл облысының бұрынғы әкімі, «Қазселденқорғау» мемлекеттік мекемесінің басшысы Кәрім Көкірекбаев ұсталды, деп хабарлайды Almaty-akshamy.kz Inbusiness.kz cілтеме жасап.
Сыбайлас жемқорлыққа қарсы іс-қимыл агенттігі «Қазселденқорғау» ММ директорының пара алу кезінде ұсталғанын растады.
«Қазселденқорғау» – ҚР Ішкі істер министрлігінің Төтенше жағдайлар комитетінің ведомстволық бағынысты кәсіпорны.
Ашық дереккөздерге сенсек, Кәрім Көкірекбаев «Қазселденқорғау» мемлекеттік мекемесінің басшылығына 2019 жылдың тамыз айында келген.
Бұдан бөлек 2018-2019 жылдары Қазақстан Республикасының Қырғыз Республикасындағы Төтенше және Өкілетті Елшісі, 2013-2018 жылдар аралығында Жамбыл облысының әкімі лауазымдарын атқарды.