Полиция жалпы сомасы 37 млн теңге көлемінде айыппұл төлемеген көлік жүргізушілерін анықтады, деп хабарлайды aqshamnews.kz.
Полиция мәлімдегендей, ең көп борышкер болып шетелдік тіркеудегі Mercedes-Benz автокөлігінің жүргізушісі танылды. Ол жол қозғалысы ережелерін бұзу арқылы 7 млн теңгеден астам айыппұл жинаған.
Сондай-ақ, полиция мұндай автокөліктер арнайы айыппұл тұрағына қойылатынын және оларды тек барлық борыштарды толық өтегеннен кейін ғана қайтару мүмкіндігін атап өтті.