Ұлттық экономика министрлігінің мәліметіне сүйенсек, егер ҚҚС мөлшерлемесі 12-ден 20 пайызға көтерілер болса, мемлекеттік қызметкерлер жалақысы, зейнетақы мен жәрдемақы өседі, деп хабарлайды aqshamnews.kz
Бұл индексация аясында бюджеттен 800 млрд теңге жұмсалуы мүмкін. Ұлттық экономика министрі Серік Жұманғариннің сөзінше, қазір Экономикалық зерттеулер институты бизнестің «көлеңкеге» кетуін болдырмайтын нұсқаларды зерттеп жатыр.
Еске салайық, Үкімет ҚҚС мөлшерлемесін 12-ден 20 пайызға көтеруді, ҚҚС бойынша есепке қою шегін 78 млн-нан 15 млн теңгеге түсіруді көздеп отыр. Жұманғариннің айтуынша, бұл өзгеріс бюджетке қосымша 5-7 трлн теңге көлемінде түсім алып келеді.