Астанада полиция тәркіленген етті жануарлар паналау орталығына тапсырды
Елорда полициясы заңсыз жұмыс істеген ет өңдеу цехтарынан 22 тонна етті тәркіледі. Тексеру барысында цехтардың ветеринарлық-санитарлық нормаларды өрескел бұзғаны анықталды, деп хабарлайды aqshamnews.kz
Тәркіленген ет тағдыры жөнінде полиция, ветеринарлық қызмет және басқа ведомстволардың қатысуымен комиссия отырысы өтті. Шешім бойынша, ет "Стоп-отлов" жануарларды паналату орталығына жіберілді. Бұл орталықта шамамен 3 мың ит ұсталады.
Өнім алдымен термиялық өңдеуден өтіп, жануарларға азық ретінде пайдаланылады. Бұл шара санитарлық қауіпсіздікті қамтамасыз ете отырып, жануарларға көмек көрсетуге мүмкіндік береді.