Жасанды интеллект және цифрлық даму министрі Жаслан Мәдиев Қазақстандағы IT-нарықтың табыстары туралы мәлімдеді, деп хабарлайды aqshamnews.kz
Оның айтуынша, соңғы жылдары IT-нарық табысының айтарлықтай өсуі байқалып отыр.
"Өткен жылы IT-нарықтың жалпы көлемі 2 трлн теңгені құрады. Сондай-ақ IT-қызметтер экспорты да жоғары қарқынмен дамып келеді. Күтілім бойынша, оның көлемі 1 млрд АҚШ долларына жетеді", – деді Жаслан Мәдиев.
Министр мемлекет басшысы бұл көрсеткішке 2026 жылы-ақ қол жеткізу жөнінде нақты міндет қойғанын еске салды.
"IT саласы – елдегі ең жоғары жалақы төленетін салалардың бірі. Ресми статистикаға сәйкес, IT-мамандардың орташа жалақысы ел бойынша орташа еңбекақы деңгейінен екі есе жоғары", – деп толықтырды вице-премьер.