Алматылықтарды қоршаған ортаға жауапкершілікпен қарауға шақырды. Өңірлік коммуникациялар қызметінің брифингінде Табиғи өрттердің алдын алу және жою бойынша қабылданып жатқан шаралар туралы Іле-Алатау ұлттық паркінің орманды молықтыру және қалпына келтіру бөлімінің бастығы Райхан Мұхаметжанова айтып берді, деп хабарлайды аlmaty-akshamy.kz.
Өрт қаупі бар кезең ресми түрде 20 наурыздан бастап белгіленді.
Іле - Алатау мемлекет қорғауындағы бірегей табиғи кешен. Ол ландшафтының күрделілігі мен сұлулығымен ерекшеленеді. Сондай-ақ, таңғажайып биологиялық әртүрлілігімен ерекшеленеді. Ұлттық парктің жалпы ауданы 200 160 га құрайды.
ӨКҚ спикері Іле-Алатау МҰТП аумағында орман өрттерін сөндіру және техногендік факторларды уақтылы жою мақсатында 60 адамнан тұратын төтенше топ құрылғанын атап өтті. Топ өрт сөндіру құралдарымен және арнайы киіммен жабдықталған.
Биыл 5 ақпан мен 6 наурыз аралығында өрт қауіпті маусымға дайындық айлығы өткізілді, өрттің алдын алу жөніндегі іс-шаралар айқындалды және бекітілді. Алматы облысының Төтенше жағдайлар департаменттерімен (Қарасай, Талғар және Еңбекшіқазақ аудандарымен) және Алматы қаласының 2024 жылға арналған «Іле-Алатау МҰТП» РММ аумағында тау, орман және тау-кен өрттерін жою жөніндегі бірлескен іс-қимыл жоспарлары әзірленуде. Сонымен қатар, ТЖД, экология басқармасы мен ұлттық парк арасында табиғи өрттерге ден қою бойынша үшжақты келісім жасалады.
Райхан Мұхаметжанованың айтуынша, 2024 жылғы өрт қауіпті маусымға өрттің алдын алу бойынша мынадай шаралар жоспарланған:
- орман және өртке қарсы мақсаттағы жолдарды жөндеу - 228,5 км;
- өртке қарсы жолақтардың шөптерін шабу - 78 км;
- бақылау мұнараларына күтім жасау- 22 бірлік.;
- аншлаг, панноларды жаңарту-60 дана;
- аншлагтарды орнату-100 дана.
- нұсқамаларды, міндеттемелерді тарату-160 дана;
- өртке қарсы парақшаларды тарату-30 000 дана.
Ұлттық саябақтың мемлекеттік инспекторлары қызметтік жылқылармен толық қамтамасыз етілген. 4 уақытша орман өрт сөндіру станциясы, ОӨС құрамында 4 арнайы өрт сөндіру автокөлігі, 11 стационарлық, 4 көлік рациясы, 68 тасымал рациясы бар. Сондай-ақ, басқа да қажетті құралдар бар.
2023 жылы орман қоры жерлеріндегі өрттердің алдын алу және олардың өрттерді сөндіруге дайындық деңгейін арттыру мақсатында аудандық төтенше жағдайлар басқармаларымен бірлесіп «Алау-2023» оқу жаттығуы өткізілді.
Ұлттық парктің Мемлекеттік сатып алу жөніндегі техникалық материалдық базасын жақсарту мақсатында өрт қаупі маусымына қажетті құралдар сатып алынған және әлі де толықтырылуда.
«2023 жылы 9,9 гектар алқапта орман өрттерінің 3 оқиғасы тіркелді, оның ішінде, 1,02 га орманмен жабылған алаң болса, 5,48 га - орманды емес алаң. Өрт 7,4 текше метр ағаш тұқылдарын жойды, залал 336 мың теңгені құрады. Орман өрттерін өшіруге жұмсалған шығын 282,5 мың теңгені құрады, орман өрттерінен жалпы шығын 618,5 мың теңгені құрады. Өрттің шығу себебі анықталған жоқ», - деді Р.Мұхаметжанова.
Ормандардағы өрт қауіпсіздігі ережелерін бұзғаны үшін (367-бап, 3-т.) 41 әкімшілік-құқықтық бұзушылық хаттамасы жасалды, 41 жеке тұлға жауапқа тартылды, 9771,6 мың теңге сомасына әкімшілік айыппұл салынды және 5554,5 мың теңге өндірілді.
«Күзетті жақсарту мақсатында жыл сайын ұлттық парк аумағын өртке қарсы жайластыру, таулы жағдайларда орман өрттерін сөндіру, сондай - ақ осындай жұмыстарды жүргізу кезінде қауіпсіздік техникасы мәселелері бойынша қызметкерлерді оқыту және оларға нұсқау беру жүргізіледі», - деп толықтырды Райхан Мұхаметжанова.