Қазақстан Республикасының Тәуелсіздік күніне орай Алматы қаласында Нархоз университетінің ТЭО ЖПМ ұйымы ұйымдастыруымен ICE SCREAM CUP XII республикалық жас пікірсайыс турнирі жоғары деңгейде өткізілді.
2025 жылдың 15–16 желтоқсанында өткен бұл турнирге еліміздің әр аймағынан 160 жас қатысушы қатысты.
Жарыста Қазақстанның 6 аймағынан –Тараз, Шымкент, Алматы облысы, Талдықорған, Ақтөбе, Қызылорда қалаларыннан 80 команда бақ сынады. Ауқымды жастар бәсекесіне жалпы саны 500-ден астам көрермен жиналды.
Турнир жас пікірсайысшылардың көшбасшылық қабілетін, сыни ойлау дағдыларын дамыту және пікірсайыс мәдениетін насихаттау мақсатында жыл сайын өткізіліп келеді. Биыл 12-ші рет өтіп отырған ICE SCREAM XII республикалық турнирі
Қазақстандағы ең ірі пікірсайыс додаларының бірі болып саналады.
Жарыс нәтижесінде Алихан Болатұлы мен Тоғжан Мырзабекованың «Бердімұрат аға» командасы 1-орынды; Ақлен Әбдіреш пен Али Құдайбергеннің «Рузвельт» командасы 2-орынды иеленді. Ал 2025 жылғы жеңімпаз командалар сапын Риза Аркадиева мен Асылхан Нұрлан құраған «ZugZwang» командасы түйіндеді.
Жеке номинациялар бойынша ең үздік спикер - Асқар Елдана, үздік спикер - Шералы Қасиет деп танылды. Жеңімпаздарға ақшалай сыйлықтар мен арнайы марапаттар табыс етілді.
ICE SCREAM XII аясында қосымша интеллектуалдық ойын ұйымдастырылып, қатысушылар өз логикасы мен эрудициясын сынады. Жеңімпаздарға HR ACADEMY курсына арналған сертификаттар мен арнайы сыйлықтар берілді.
Турнир жастарға республикалық деңгейде тәжірибе алмасуға, өз ойларын білдіруге және қоғамдағы маңызды мәселелерді талқылауға мүмкіндік береді. ICE SCREAM CUP XII жыл сайын еліміздің түкпір-түкпірінен келген жас пікірсайысшыларды біріктіріп, пікірсайыс мәдениетінің дамуына елеулі үлес қосуд