Египетте пирамиданың үстінде серуендеп жүрген үш ит видеоға түсіп қалды.
Бұған дейін 14 қазанда парапланерист Алекс Лэнг өзінің әуеден түсірген видеосында Хеопс пирамидасының басында бір иттің құстарға үріп жүргенін байқаған болатын.
Айта кетейік, әлемнің кереметі саналатын бұл пирамиданың биіктігі 139 метрді құрайды. Пирамиданың үстіне иттің қалай шыққаны жұмбақ болған.
Кейіннен иттің өз еркімен пирамиданың үстінен түскен видеосы жарияланды.
Енді арада екі апта өткен соң, сол ит ұяластарын ертіп келгендей әсер қалдырды. Үш иттің видеосы X әлеуметтік желісінде жарияланып, көпшіліктің назарын аударды.