Кұлыбаевтар отбасына тиесілі Halyk Bank-тің баспасөз қызметі банк санкцияларды айналып өтуге күдікті деп танылған клиенттерге біржақты тәртіпте қызмет көрсетуді тоқтататынын мәлімдеді, деп хабарлайды aqshamnews.kz.
Halyk Bank-тің ресми мәлімдемесіне сәйкес, банк клиенттің күмәнді операциялары немесе оның қызметіне қатысты күдік туындаса, онымен ынтымақтастықты тоқтатады. Атап айтқанда, егер клиентке ақша жуу немесе терроризмді қаржыландыру күдігі туса, сондай-ақ есепшоттағы транзакциялар жиі қабылданбай немесе аяқталмай қалса, осындай шаралар қабылданады.
Halyk Bank карталарына біржақты қызмет көрсетуден бас тартудың тағы бір себебі – клиентке немесе онымен байланысты тұлғаларға қарсы санкциялар қолданылуы немесе халықаралық санкцияларды айналып өтуге күдік туындауы. Сонымен қатар, заңды тұлға ретінде жұмыс істеген және жабылып жатқан клиенттерге, сондай-ақ жабылып жатқан жеке кәсіпкерлерге де карталар жабылатын болады.
«Сонымен қатар, банк ішкі құжаттарында көрсетілген басқа да жағдайлар болуы мүмкін, олар ақшаны жылыстатуға және терроризмді қаржыландыруға қарсы күреске қатысты, бұл қызмет көрсетуді тоқтатуға әкелуі мүмкін», – деп мәлімдеді Halyk Bank, алайда нақты қандай ішкі құжаттар меңзеліп отырғанын ашып көрсетпеді.