«15 шілде оқиғасы халықтық демократияны қорғаудың халықаралық мысалы ретінде» – бүгін, 5 шілде Алматыда осындай тақырыпта конфренция өтті.
Еуразия ғылыми-зерттеу институты ұйымдастырған шараға ғылым, дипломатия және БАҚ өкілдері қатысты, деп хабарлайды Almaty-akshamy.kz.
Онда Түркиядағы 2016 жылы 15 шілдедегі төңкерісті тақырып ете отырып, Түркі әлеміндегі және кейбір жаһандық мәселелер талқыланды.
Түркияның Алматыдағы Бас консулы Али Риза Акынжы да өз баяндамасын жасады. Ол 15 шілдедегі әскери төңкерістің сипатына қатысты өз пікірін ортаға салды.
«Өзге ұқсас оқиғалардан өзгешелігі халық өзі сайлаған легитимді билікті қорғауға күш салды. Бауырлас Қазақстанның басшылығы алғашқылардың бірі болып Анкараның қасынан табылды», – деді консул мырза.
Еуразия ғылыми-зерттеу институтының директоры Суат Бейлұр мырза түрлі төңкерістік әрекеттердегі діни ағымдар мен экстремистік ұйымдардың ықпалын тереңірек қарастырудың өзектілігін еске салды.
Өз кезегінде Саяси зерттеулер орталығының директоры Айдар Әміребаев гибритік соғыс тақыбырын тоқталды. Ол Түркиядағы «15 шілде төңкерісі», Қазақстандағы «Қаңтар оқиғасы», Ресейдегі «Вагнер оқиғасы» қатарлы күрделі құбылыстарда гибриттік соғыстың сипаттарын табуға болатынын жеткізді. Сондай-ақ, түркі мемлекеттері әлемге қандай саяси модернизаиця үлгісін ұсына алатынын ортақ іздену керек деген ойын ұсынды.
Ғылыми отырысқа, сонымен қатар, Философия, саясаттану және дінтану иниститутының директоры Серік Сейдуманов, Қожа Ахмет Яссауи атындағы ХҚТУ өкілетті кеңес төрағасы Мухиттин Шимшек тақырыпқа қатысты өз пікірлерін ортаға салды. Alatau-Aqparat медиахолдингінің бас директоры Ержан Қалымбайұлы қонақ ретінде қатысты.