Көктемде би ұжымының жаңа құрамы тұсаукесер концертін өткізеді.
Бұл жайында Роза Бағланова атындағы «Қазақконцерт» мемлекеттік концерттік ұйымының директоры Ақтоты Райымқұлова мәлімдеді, деп хабарлайды Almaty-akshamy.kz 24.kz-ке сілтеме жасап.
Жобаға дайындық барысында «Гүлдер» ансамблінің мұрағаттық материалдары мұқият зерделеніп, топтың «алтын қорынан» ең үздік нөмірлер іріктелді. Кешке мәдени ұжымның алғашқы солистері де қатысады. «Қазақконцерт» ұйымы «Ел бірлігі – Жаңа Қазақстан» жобасын қайта жаңғыртуды жоспарлап отыр. Гастрольдік сапарлармен, өңірлерді аралап шығармашылық концерттер өткізеді.
«Тарихи брендіміз болып кеткен «Гүлдер» ансамблін жаңа құру. Осыдан 10-жылдай бұрын бұл ансамбль өз жұмысын тоқтатқан еді. Бүгін біз ансамбльдің мұрағаттық қорынан ең таңдаулы деген нөмірлерін іріктеп алдық. Сонымен қатар барлық жастағы көрермендер үшін түрлі жанрлардағы шығармаларды қолға алдық», - деді Р.Бағланова атындағы «Қазақконцерт» ұйымының директоры Ақтоты Райымқұлова.