Бүкіләлемдік бокс қауымдастығы (WBA) орта салмақтағы чемпионы Геннадий Головкинді титулын кубалық Эрисланди Лараға (29-3-3, 17 КО) қарсы жекпе-жекте қорғауға міндеттеді. Бұл туралы қауымдастық сайтында жазылған, деп хабарлайды Almaty-akshamy.kz Tengrinews.kz сілтеме жасап.
WBA боксшыларға 23 ақпанға дейін келісімге келуге 15 күн уақыт беріп отыр. Егер боксшылардың командалары осы уақытқа дейін ымыраға келмесе, жекпе-жекке промоутерлік сауда белгіленеді.
Мұның алдында Головкин IBF белбеуін бразилиялық Эскива Фалькаомен (30-0, 20 КО) жекпе-жекте қорғауға міндеттелген еді, алайда қазақстандық боксшы белбеуден бас тартты. Осыған байланысты WBA Ларамен жекпе-жек белгілеп отыр.